युनिकोड
सरकारले आगामी वर्षको नीति तथा कार्यक्रमबाट राष्ट्रपति तथा प्रधानमन्त्रीको ‘ट्याग’ रहेका आयोजनाहरुको नाम परिर्वतन गरेको छ।
शुक्रबार नीति तथा कार्यक्रम सार्वजनिक गर्दै सरकारले प्रधानमन्त्रीको नाममा रहेको एक र राष्ट्रपतिको नाममा रहेका ३ परियोजनाको नाम फेरेको हो।
जसमा प्रधानमन्त्री कृषि आधुनिकीकरण परियोजना पुनर्संरचना गरी यसलाई राष्ट्रिय एकीकृत कृषि आधुनिकीकरण कार्यक्रमको रूपमा निरन्तरता दिइने उल्लेख गरिएको छ भने राष्ट्रपति शैक्षिक सुधार कार्यक्रमलाई राष्ट्रिय शैक्षिक सुधार कार्यक्रमको बनाइएको छ।
यस्तै राष्ट्रपति महिला उत्थान कार्यक्रमलाई पनि नीति तथा कार्यक्रम मार्फत राष्ट्रिय महिला उत्थान कार्यक्रमको रूपमा अगाडि बढाइने भएको छ भने राष्ट्रपति चुरे तराई मधेस संरक्षण परियोजनालाई राष्ट्रिय चुरे संरक्षण आयोजना बनाइने उल्लेख गरिएको छ।
प्रतिक्रिया