युनिकोड
न्यूयोर्कबाट नयाँ दिल्लीका लागि उडेको एयर इन्डियाको एउटा विमानमा आकाशमै गम्भीर प्राविधिक समस्या देखिएपछि आयरल्याण्डमा आकस्मिक अवतरण गरिएको छ।
जोन एफ केनेडी अन्तर्राष्ट्रिय विमानस्थलबाट उडेको उडान नम्बर एआई १०२ को विमानमा शंकास्पद प्राविधिक त्रुटि देखिएपछि चालक दलले जहाजलाई आयरल्याण्डको श्यानन विमानस्थलतर्फ मोडेका थिए।
स्थानीय समय अनुसार आइतबार बिहान ४:३० बजे विमानलाई सुरक्षित रूपमा अवतरण गराइएको छ।
'विमानमा शंकास्पद प्राविधिक समस्या देखिएपछि सुरक्षालाई ध्यानमा राख्दै श्याननतर्फ मोड्ने निर्णय गरिएको हो,' एयर इन्डियाका प्रवक्ताले जारी गरेको विज्ञप्तिमा भनिएको छ, 'हाम्रा यात्री र चालक दलको सुरक्षा नै हाम्रो सर्वोच्च प्राथमिकता हो।'
हाल स्थापित सुरक्षा मापदण्ड अनुसार विमानको विस्तृत प्राविधिक परीक्षण भइरहेको कम्पनीले जनाएको छ।
यात्रीलाई विकल्प र रिफन्डको सुविधा
यो अवरोधका कारण यात्रीमा पर्न गएको असुविधाप्रति एयर इन्डियाले क्षमा मागेको छ। प्रभावित यात्रीहरूले कुनै अतिरिक्त शुल्क बिना अर्को मितिका लागि टिकट पुनः बुकिङ गर्न वा पूर्ण फिर्ता लिन सक्ने व्यवस्था गरिएको छ। कम्पनीले प्रभावित यात्रीहरूलाई उनीहरूको दर्ता भएको मोबाइल नम्बरमा सम्पर्क गरिरहेको समेत जानकारी दिएको छ।
४८ उडान हुने
यस्तै, संयुक्त अरब इमिरेट्स (यूएई) र साउदी अरबका लागि २६ वटा अतिरिक्त गैर-निर्धारित उडानहरू सञ्चालन गर्ने तयारी एयरलाइनको छ। उत्तर अमेरिका, युरोप र अस्ट्रेलियाका लागि हुने अन्य नियमित उडानहरू भने पूर्वतालिका अनुसार नै सुचारु रहने कम्पनीले स्पष्ट पारेको छ।
प्रतिक्रिया