युनिकोड
हिजो घटेको सुनको भाउ आज पनि घटेको छ। चाँदीको मूल्य भने बढेको छ।
सुनको भाउ आज तोलामा चारसय रुपैयाँ घटेर २ लाख ९८ हजार ५ सय रुपैयाँमा झरेको सुनचाँदी व्यवसायी महासंघले जनाएको छ।
सुनको भाउ हिजो तोलामा १ हजार रुपैयाँ घटेर २ लाख ९८ हजार ९०० कायम भएको थियो।
चाँदीको भाउ भने आज पनि बढेको छ। तोलामा ४० रुपैयाँ बढेर चाँदीको भाउ आज ५ हजार ३४० रुपैयाँ पुगेको महासंघले जनाएको छ। हिजो चाँदीको भाउ ५ हजार ३०० रुपैयाँ थियो।
विगत केही दिनदेखि चाँदीको भाउ निरन्तर बढ्दै आएको छ।
गएको माघ १५ गते एकैदिन तोलामा २० हजार पाँचसय रुपैयाँ बढेर सुनको भाउ तीन लाख ३९ हजार तीनसय रुपैयाँ पुगेको थियो। नेपाली बजारमा सुनको यो मूल्य हालसम्मकै सबैभन्दा उच्च हो।
त्यसैगरि गएको माघ १८ गते चाँदीको मूल्य तोलामा १५ सय ६५ रुपैयाँ घटेको थियो। चाँदीको मूल्यमा आएको यो गिरावट हालसम्मकै सबैभन्दा उच्च हो।
माघ १५ गते भने चाँदीको भाउ सात हजार ५०५ रुपैयाँ पुगेको थियो। चाँदीको यो मूल्य अहिलेसम्मकै सबैभन्दा बढी हो।
प्रतिक्रिया