युनिकोड
हुन्डाई मोटर ग्रुपले हुन्डाई र किया ब्रान्डका विद्युतीय गाडी र ब्याट्रीको लागि ५ अर्ब ५० करोड डलर जर्जियामा लगानी गर्ने उल्लेख गरेको छ।
अमेरिकी राष्ट्रपतिको दक्षिण कोरिया भ्रमणको क्रममा हुन्डाईले थप लगानी गर्ने घोषणा गरेको हो।
हुन्डाईले २०२३ सम्म प्लान्ट निर्माण गर्ने र २०२५ बाट व्यावसायिक उत्पादन सुरु गर्ने जनाएको छ। हुन्डाईले वार्षिक ३ लाख युनिट विद्युतीय गाडी उत्पादन गर्ने उल्लेख गरेको छ।
हुन्डाईले रणनीतिक साझेदारीसहित लगानी गर्दा ८ हजार बढीले जागिरको अवसर पाउने दाबी गरेको छ।
बाइडेनले हुन्डाईलाई लगानी घोषणाको लागि धन्यवाद दिँदै रुपान्तरणकारी अटो क्षेत्रको लगानीले अमेरिकामा सबै गाडी विद्युतीय बनाउन सहयोग पुग्ने बताएका छन्।
त्यसबाहेक हुन्डाई ग्रुपले अमेरिकामा ५ अर्ब डलर लगानी गर्ने घोषणा गर्ने बताएको छ। योसँगै हुन्डाई मोटर ग्रुपले अमेरिकामा आगामी वर्षमा १० अर्ब डलर बढी लगानी गर्नलागेको हो।
हुन्डाईले रोबोटिक्स, अर्बान एयर मोबिलिटी, अटोनोमस ड्राइभिङ र आर्टिफिसियल इन्टेलिजेन्समा लगानी गर्ने जनाएको छ।
प्रतिक्रिया