युनिकोड
दुईपांग्रे ब्रान्ड याडियाले भेलाक्स स्कुटरमा स्टक अफर घोषणा गरेको छ।
यसको आधिकारिक वितरक कुजु नेपाल प्रालिले उच्च प्रदर्शनयुक्त याडिया भेलाक्समा विशेष सीमित स्टक अफर ल्याएको हो।
अब यसको मूल्य अघिल्लो २ लाख ८५ हजार रुपैयाँबाट घटाएर २ लाख ४५ हजार रुपैयाँमा झरेको छ।
याडिया भेलाक्समा ३२ सय वाट मोटर र १७२ एनएम टर्कसहित यसले ६२ किमि/घण्टाको उच्चतम गति छ। एक पटकको चार्जमा १०० किमिसम्मको रेन्ज रहेको स्कुटरको ३० एएच/ ७२भी लिजियम आइरन फस्फेट ब्याट्री रहेको छ।
डिजाइन र सुविधाको दृष्टिले भेलाक्समा सजिलो पार्किङ तथा ह्यान्डलिङका लागि रिभर्स मोड, लामो यात्रालाई सहज बनाउन क्रूज कन्ट्रोल र अतिरिक्त सुरक्षा प्रदान गर्ने फ्रन्ट/रियर डिस्क ब्रेक सिस्टम विथ सीबीएसजस्ता विशेषताहरू छन्। यसमा १७० मिमि ग्राउन्ड क्लिरेन्स रहेको कम्पनीले जनाएको छ।
याडियाले भेलाक्समा ब्याट्री र मोटर दुवैका लागि ३ वर्ष/ ५० हजार किमि वारेन्टी प्रदान गर्छ।
कम्पनीको यो विशेष अफर हो र सीमित स्टकमा मात्र लागू हुनेछ। स्टक सकिएपछि पुन: पुरानै मूल्य कायम हुने जनाइएको छ।
प्रतिक्रिया