तोलामा ११ सय रुपैयाँले बढ्यो सुनको मूल्य

सुनको मूल्य फेरि बढ्नथालेको छ। 

नेपाल सुनचाँदी व्यवसायी महासंघका अनुसार बिहीबार एकै दिन ११ सय रुपैयाँ प्रतितोला वृद्धि भएको हो। 

यसअनुसार आज छापावाल सुन १ लाख २७ हजार ९ सय र तेजाबी सुन १ लाख २७ हजार ३ सय रुपैयाँमा कारोबार भएको छ। 

यता चाँदीको मूल्य पनि बढेर १ हजार ५ सय १० रुपैयाँमा कारोबार भएको छ। 

अन्तर्राष्ट्रिय बजारमा आज सुन प्रतिऔँस २ हजार १ सय ९३ अमेरिकी डलर पुगेको छ।