सुनको मूल्य उच्च विन्दुमा स्थिर, चाँदीको २० रुपैयाँ बढ्यो

आइतबार चाँदीको मूल्य प्रतितोला २० रुपैयाँले बढेको छ। 

शुक्रबार १ हजार ७ सय २० रुपैयाँमा कारोबार भएको सेतो धातु आइतबार उक्त दरले बढेर १ हजार ७ सय ४० रुपैयाँ पुगेको हो। 

यता सुनको मूल्य भने उच्च विन्दुमा पुगेर स्थिर छ। नेपाल सुनचाँदी व्यवसायी महासंघका अनुसार छापावाल सुन १ लाख ३९ हजार ३ सय र तेजाबी सुन १ लाख ३८ हजार ६ सय ५० रुपैयाँमा कारोबार भएको छ। 

यो अघिल्लो कारोबार मूल्यबराबर हो भने हालसम्मकै उच्च मूल्य हो। 

उता अन्तर्राष्ट्रिय बजारमा चाँदी २८.६७ र सुन २ हजार ३ सय ९०.८६ अमेरिकी डलर प्रतिऔँस मूल्यमा कारोबार भएको एजेन्सीहरुले जनाएका छन्।