एसीसी प्रिमियर कपको उपाधिका लागि ओमान र यूएई भिड्दै

एसीसी प्रिमियर कप २०२४ को उपाधिका लागि आइतबार ओमान र युएई भिड्दै छन्। 

ओमानको घरेलु मैदान अल अमरेत क्रिकेट मैदान टर्फ १ मा हुने खेल अपराह्न सवा ४ बजे सुरु हुनेछ। 

यो खेलको विजेताले एसिया कपमा स्थान बनाउनेछ। यूएईले पहिलो सेमिफाइनलमा नेपाललाई ६ विकेटले पराजित गर्दै फाइनलमा स्थान बनाएको थियो। 

ओमानले भने दोस्रो सेमिफाइनलमा हङकङलाई ५ विकेटले हराउँदै यूएईसँगको भेट पक्का गरेको थियो। 

यसअघि शनिबार भएको तेस्रो स्थानका लागि भएको खेलमा नेपाल हङकङसँग ४ विकेटले पराजित भएको थियो। 

नेपाललाई पराजित गरेसँगै हङकङले एसीसी इमर्जिङ टिम्स एसिया कपमा स्थान बनाएको छ।