युनिकोड
गत कात्तिक १९ गतेदेखि प्रदर्शनमा आएको बलिउडको मल्टीस्टारर फिल्म ‘सूर्यवंशी’ ले भारतसहित विश्वभर राम्रो कमाइरहेको छ।
बलिउड बक्स अफिसमा फिल्मले आम्दानीको मामिलामा रेकर्ड बनाएको छ।
२६ करोड २९ लाख कमाउँदै गतिलो ओपनिङ गरेको फिल्मले प्रदर्शनको पाँच दिनमा सय करोडको आँकडा पार गरेको छ।
प्रदर्शनको पाँच दिनमा फिल्मको कमाई कूल १ सय २ करोड ८१ लाख पुगेको छ। कोरोना महामारीपछि भारतमै सय करोडको व्यापार गर्ने ‘सूर्यवंशी’ पहिलो फिल्म भएको छ।
रोहित शेट्टी निर्देशित फिल्ममा अक्षय कुमार, कटरिना कैफ, अजय देवगन, रणवीर सिंहले अभिनय गरेका छन्।
फिल्ममा अक्षयको अभिनय र एक्सनलाई दर्शकले रुचाएका छन्। फिल्मले भारतमै २ सय करोड कमाउने अनुमान गरिएको छ।
प्रतिक्रिया