मतदान गर्न नपाउने अवस्थाले केकीको चित्त दुखायो

अभिनेत्री केकी अधिकारीले स्थानीय निर्वाचनमा मतदान गर्न नपाउँदा चित्त दुखेको बताएकी छन्। 

देशबाहिर रहेकी केकीले वैशाख ३० गते हुने स्थानीय निर्वाचनमा मतदान गर्न नपाउने अवस्थाका कारण चित्त दुखेको बताएकी हुन्। 

उनले निर्वाचनमा सहभागी भइ आफ्नो मताधिकारको सही प्रयोग गर्न पनि सबैसँग आग्रह गरेकी छन्।

केकीले बुधबार सामाजिक सञ्जालमा लेखेकी छन्, ‘निर्वाचनको समयमा देश बाहिर हुनु र आफ्नो बहुमूल्य भोटको प्रयोग गर्न नपाउनुले पनि चित्त दुख्ने रहेछ। काम विशेषले बाहिर भएको कारणले मैले यसपटक मेरो मताधिकारको प्रयोग गर्न पाइन। तपाईंहरुले चाहिँ आफ्नो एक भोटको मुल्य पक्कै बुझ्नु भएकै छ।’ 

उनले शान्त, सुरक्षित अनि सुव्यवस्थित वातावरणमा निर्वाचन सम्पन्न हुनसकोस् भन्ने कामना पनि गरेकी छन्।

हालै विवाह बन्धनमा बाँधिएकी केकी देशबाहिर छन्।