युनिकोड
सन् १९९० को आसपास बलिउडकी डिम्पल गर्ल जुही चावला 'कयामत से कयामत तक', 'डर', 'हम हैं राही प्यार के' र 'इश्क'जस्ता बक्स अफिस हिट फिल्मका लागि परिचित थिइन्। आफ्नो करिअरले उडान भरिरहेका बेला उनले जय मेहतासँग विवाह गरिन्।
आउनुहोस् हामी तपाईंलाई उनको रोचक कथा सुनाउँछौँ।
वर्षौंसम्म सम्बन्ध लुकाए
जुही र जयको प्रेमकथा वर्षौंसम्म दुनियाँको नजरबाट लुकेको थियो। जुही चावलाका पति जय मेहता आईपीएल टोलीका सहमालिक, अर्बपति व्यवसायी र पारिवारिक व्यक्ति पनि हुन्।
पहिलो भेट
जुही र जयबीच एक साझा साथी फिल्म निर्माता राकेश रोशनमार्फत डिनर पार्टीमा भेट भएको थियो। उनीहरूबीचको प्रारम्भिक सम्बन्ध मित्रतामा आधारित थियो। बलिउड शादिजका अनुसार मित्रता बिस्तारै प्रेममा परिणत भयो। विशेष गरी जयको जीवनको सबैभन्दा कठिन चरणमा।
पहिलो पत्नीको मृत्यु
सन् १९९० मा विमान दुर्घटनामा जयले आफ्नी पहिलो पत्नी गुमाए। जुही त्यतिबेला चर्चित नायिका थिइन्। यो संकटको घडीमा उनी जयको साथमा उभिइन्। दुवै एकअर्काका नजिक भए।
गोप्य रूपमा बिहे
यो जोडीले सन् १९९५ मा मिडियाबाट टाढिएर विवाह गरे। युट्युबमा राजीव मसन्दसँगको अन्तर्वार्तामा जुहीले विवाह गोप्य राख्नुको कारण खुलाएकी थिइन्। उनले भनिन्, ‘बस्, मैले राम्रा फिल्म मात्रै गरिरहेकी थिएँ।’
करिअर गुम्ने डर
‘त्यतिबेला जयले मलाई खुसी दिइरहेका थिए र म त्यस्तो अवस्थामा पुगेँ- करिअर गुम्ने हो कि भन्ने डर थियो। म अगाडि बढ्न चाहन्थेँ, त्यसैले यसलाई गोप्य राख्ने बीचको बाटो अपनाएँ।’
सोही वर्ष जुहीकी आमाको निधन
त्यही वर्ष जुहीले आफ्नी आमा पनि गुमाइन्। जुहीले भनिन्, ‘सोही वर्ष मेरी आमाको पनि निधन भयो, त्यो मेरा लागि निकै कठिन समय थियो किनभने मैले आफूसँग भएका सबै थोक गुमाएको महसुस भयो।’
दुई सन्तान
रिपोर्टअनुसार सन् २००१ मा जुहीले जब आफ्नो पहिलो सन्तान जन्माइरहेकी थिइन्, तब मात्र उनको बिहेको भएको कुरा मानिसहरूले थाहा पाए। जुही र जय करिब ३० वर्षदेखि सुखी वैवाहिक जीवन बिताइरहेका छन्। उनीहरूका दुई सन्तान जान्हवी र अर्जुन छन्।
जय मेहताको ठूलो व्यापार छ
जतिबेला जुहीको नाम सिनेमाको दुनियाँमा चम्किरहेको थियो, त्यतिबेला जय मेहता भने आफ्नो व्यवसायको साम्राज्य निर्माण गरिरहेका थिए। उनी मेहता समूहका अध्यक्ष हुन्, जुन सिमेन्ट, चिनीदेखि बिजुली र कपडासम्मका क्षेत्रमा काम गर्ने अन्तर्राष्ट्रिय समूह हो।
आधिकारिक वेबसाइटअनुसार जय मेहताको कूल सम्पत्ति झन्डै ५० करोड अमेरिकी डलर अर्थात् करिब ४,१७१ करोड भारतीय रुपैयाँ छ।
उनको कम्पनीले विश्वभर १५,००० भन्दा बढी मानिसलाई रोजगारी दिएको छ। डीएनए र लाइफस्टाइल एसियाका अनुसार जय मेहताको कूल सम्पत्ति १,००० देखि २,४०० करोडको बीचमा छ। नवभारत टाइम्सबाट
प्रतिक्रिया