‘लाइफ ड्यामेज’ को ‘ब्युटीफूलम’ गीतमा निमेष र सुरक्षाको छमछमी (भिडिओ)

‘फेन्टासी कमेडी ड्रामा’ जनरामा बनेको फिल्म ‘लाइफ ड्यामेज’ मा समावेश ‘ब्युटीफूलम’ बोलको गीत सार्वजनिक गरिएको छ। काठमाडौंमा आयोजित कार्यक्रमबीच गीत सार्वजनिक गरिएको हो। 

डान्सिङ्ग नम्बरको गीतमा एसडी योगीको संगीत,आदर्श सुशीलको शब्द रचना रहेको छ। गीतमा एसडी योगी र रेश्मा पुनको स्वर सुन्न सकिन्छ। सार्वजनिक गीतको भिडिओको कोरियोग्राफी किरण थापाले गरेका हुन्।

केही वर्षयता कन्टेन्ट क्रियटरका रूपमा परिचित निमेष श्रेष्ठले यस फिल्ममार्फत निर्देशनमा डेब्यु गरेका छन्। उनले अभिनेत्री सुरक्षा पन्तसँग स्क्रिन सेयर समेत गरेका छन्।

फन रिभोलुसन इन्टरटेनमेन्टको ब्यानरमा निर्माण भएको फिल्ममा सुरक्षा र निमेषसहित ईशा थापा, सञ्जना महर्जन, अमोघ अर्याल, अनीश जंग थापा, अजय पन्त, सविन बास्तोला र निरु खड्कालगायत कलाकारहरूको अभिनय रहेको छ।