युनिकोड
अमेरिकी सरकारले एक अफगानी नागरिकविरुद्ध डोनाल्ड ट्रम्पलाई राष्ट्रपति निर्वाचित हुनुअघि नै उनको हत्याको षड्यन्त्र गरेको अभियोग लगाएको छ।
बीबीसीका अनुसार अमेरिकी न्याय मन्त्रालयले यस मामिलामा शुक्रबार ५१ वर्षीय फरहाद शकेरीविरुद्ध आरोपपत्र जारी गरेको छ। उनलाई ट्रम्पको हत्या षड्यन्त्र’ गर्ने जिम्मेवारी लिएको आरोप छ।
तर शकेरीलाई अहिलेसम्म पक्राउ नगरिको अमेरिकी सरकारले बताएको छ। शकेरी हाल इरानमा रहेको अनुमान गरिएको छ।
यसैबीच इरानले उक्त आरोपको खण्डन गरेको छ।
इरानले यो विपक्षीहरूले आफ्नो र अमेरिका बीचको सम्बन्धलाई जटिल बनाउन फैलाएको भ्रम भनेको छ।
इरानको विदेश मन्त्रालयका प्रवक्ता इस्माइल बाघेईले यसअघि पनि इरानलाई अमेरिकी राष्ट्रपतिको हत्या षड्यन्त्र रचेको आरोप लगाइएको तर त्यो झुटो साबित भएको बताएका छन्।
शनिबार इरानी सञ्चारमाध्यममा प्रकाशित बाघेईको बयानमा यसलाई घृणित षड्यन्त्र भन्दै यो इरानका बाहिरका शत्रुहरूको षडयन्त्र भनिएको छ।
उनले बारम्बार यस्ता आरोप लगाउनाले इरान र संयुक्त राज्य अमेरिकाबीचको समस्यालाई थप जटिल बनाउने खतरा रहेको बताएका छन्।
प्रतिक्रिया