युनिकोड
पूर्वप्रधानमन्त्री इमरान खानको रिहाइको माग गर्दै पाकिस्तानमा सुरु भएको प्रदर्शन थप चर्किएको छ।
केही प्रदर्शनकारीहरू सुरक्षाकर्मीको अवरोध छेल्दै राजधानी इस्लामावादको केन्द्रमा रहेको डी चोक पुगेका छन्। उनीहरूलाई सुरक्षाकर्मीले अश्रुग्यास र गोली समेत प्रहार गरेको बताइएको छ।
खानलाई भ्रष्टाचार आरोपमा दोषी ठहर गर्दै ३ वर्षका लागि जेल हालिएको छ।
खानले आफ्ना समर्थकहरूलाई प्रदर्शनका लागि आह्वान गरेका हुन्। आइतबारबाट सुरु भएको प्रदर्शनमा सयौँ गिरफ्तार भइसकेका छन्।
सरकारले इस्लामावाद ठप्प पारेको छ। राजमार्गहरू छेकिएको छ भने खासखास क्षेत्रमा मोबाइल र इन्टरनेट सेवा पनि अवरुद्ध गरिएको छ।
खानको पार्टी पीटीआईले माग पूरा नहुञ्जेल प्रदर्शन जारी रहने बताएको छ। संसद् भवनबाहिर बस्ने उनीहरूको भनाइ छ। एजेन्सी
प्रतिक्रिया