युनिकोड
अमेरिकी राष्ट्रपति डोनाल्ड ट्रम्पले गाजाको युद्धविराम सम्झौता टिक्नेमा आफू विश्वस्त नरहेको बताएका छन्। यद्यपि, इजरायल र हमासबीच सो सम्झौता गराउन उनले पनि भूमिका खेलेका थिए।
‘म विश्वस्त छैन। यो युद्ध हाम्रो होइन, उनीहरुको युद्ध हो। तर म विश्वस्त छैन। अर्को पक्ष निकै कमजोर भएको जस्तो लाग्छ,’ ट्रम्पले सोमबार भने।
‘मैले गाजाको तस्बिर हेरे। गाजा विशाल भग्नावशेषजस्तो देखिन्छ। यो ठाउँ अलग तरिकाले पुनर्निर्माण हुने छ,’ उनले थपे।
गाजामा युद्धविराम गराउन ट्रम्प र बाइडेन दुवैले सहकार्य गरेका थिए। त्यसको जसमा दुवैले दाबी गरेका थिए।
उनले अब गाजाको शासन सञ्चालनमा हमास सहभागी हुन नहुने संकेत पनि गरे। एजेन्सी
प्रतिक्रिया