युनिकोड
भारतको राजधानी दिल्लीमा सोमबार बिहान भूकम्प गएको छ।
भारतीय सञ्चारमाध्यमका अनुसार सोमबार बिहान ५:३६ बजे दिल्ली-एनसीआरमा ४.० म्याग्निच्युडको भूकम्प गएको हो।
भारतको राष्ट्रिय भूकम्प विज्ञान केन्द्रले एक्समा लेखेको छ- भूकम्पको केन्द्र दिल्लीमा जमिनबाट ५ किलोमिटर गहिराइमा थियो।
यस भूकम्पको तीव्रता रिक्टर स्केलमा ४.० मापन गरिएको थियो।
दिल्ली प्रहरीले सन्देशमा लेखेको छ- हामी आशा गर्छौं कि तपाईंहरू सबै सुरक्षित हुनुहुन्छ। आपत्कालीन सहयोगको लागि ११२ डायल गर्नुहोस्।
भूकम्प आउँदा दिल्ली, नोएडा, ग्रेटर नोएडा र गाजियाबादका मानिसहरू घरबाट बाहिर निस्किएका थिए।
यो खबर लेख्दासम्म क्षतिको कुनै विवरण प्राप्त भएको छैन।
प्रतिक्रिया