युनिकोड
युक्रेन युद्ध अन्त्यका लागि साउदीमा भएको अमेरिकी र रुसी विदेशमन्त्रीहरूको बैठक समाप्त भएको छ। सो वार्ता लन्चसहित चार घण्टाभन्दा लामो समय चलेको थियो।
रुसी प्रतिनिधिमण्डलका सदस्यहरूले वार्ता सकारात्मक र रचनात्मक रहेको टिप्पणी गरेका छन्।
रुसी राष्ट्रपति भ्लादिमिर पुटिनका सहयोगी युरी उसाकोवले भनेका छन्, ‘नराम्रो रहेन। रुस र अमेरिका नजिक हुन्छन्, हुँदैनन्, भन्न कठिन छ। तर, हामीले त्यही विषयमा छलफल गर्यौँ। हामीले सबै विषयमा धेरै गम्भीर छलफल गर्यौँ। हामीले एकअर्काको हितमा विचार गर्ने र द्विपक्षीय सम्बन्ध विकास गर्ने सहमति गर्यौँ। किनकि मस्को र वासिङ्टन दुवै यसमा इच्छुक छन्।’
अब वार्ताकारहरूको अलग टोलीले एकअर्कासँग सम्पर्क स्थापित गर्ने उनले बताए।
रुसी सोभरिन फन्डका प्रमुख किरिल दिमित्रिएवले भनेका छन्, ‘एउटा सकारात्मक र रचनात्मक संवाद सुरु भएको छ।’
प्रतिक्रिया