युनिकोड
एयर इन्डियाले बुधबार एक सिम्युलेटर ट्रेनर पाइलटलाई बर्खास्त गरेको छ। उनको मातहतमा तालिम लिइरहेका १० पाइलटलाई पनि ड्युटीबाट हटाएको छ।
एक सूचनादाताको गुनासोपछि एयर इन्डियाले यो निर्णय लिएको हो। उनले सिम्युलेटर ट्रेनर पाइलटले पाइलटहरूलाई राम्रोसँग तालिम नदिएको आरोप लगाएका थिए।
एयर इन्डियाले सूचना दिने व्यक्तिले दिएको सूचनाका आधारमा अनुसन्धान गर्दा आरोप सत्य पाइएको बताएको छ।
एयर इन्डियाले सम्पूर्ण घटनाबारे डीजीसीएलाई जानकारी गराएको छ।
कम्पनीले सूचना दिने व्यक्तिको प्रशंसा गर्दै टाटा समूहले अधिग्रहण गरेपछि एयर इन्डियाले आफ्ना कर्मचारीहरूका लागि उच्च नैतिक मापदण्ड अपनाएको बताएको छ।
एयर इन्डियाले २०२४ देखि हालसम्म लापरबाही गर्ने र मापदण्ड पालना नगर्ने ३० भन्दा बढी कर्मचारीलाई बर्खास्त गरिएको छ।
प्रतिक्रिया