युनिकोड
रुसको राजधानी मस्कोमा ‘ठूलो’ ड्रोन हमला भएको रुसी अधिकारीहरूले बताएका छन्।
राति भएको ड्रोन आक्रमणमा कम्तीमा एक जनाको मृत्यु र तीन जना घाइते भएको उनीहरूले बताएका छन्।
क्षेत्रीय गभर्नर आन्द्रेई भोरोबयेभले राजधानी बाहिरका विडनोये र डोमोडेडोभो सहरमा हताहत भएको बताएका छन्।
उनका अनुसार यस आक्रमणमा आवासीय भवनका सात अपार्टमेन्ट क्षतिग्रस्त भएका छन्।
मस्कोका मेयर सर्गेई सोब्यानिनले सहरतर्फ उडिरहेका ७३ वटा ड्रोन खसालिएको र ड्रोनको भग्नावशेषबाट एउटा भवनको छानामा क्षति पुगेको बताए।
आक्रमणपछि मस्कोको एक जिल्लामा रेल सञ्जाल निलम्बन गरिएको छ भने विमानस्थलमा उडान प्रतिबन्ध लागू गरिएको छ।
रुस र युक्रेनबीच जारी युद्ध अन्त्य गर्न युक्रेन र अमेरिकाका प्रतिनिधिहरूबीच साउदी अरबमा वार्ता हुने क्रममा यो आक्रमण भएको हो।
युक्रेनले यस विषयमा कुनै टिप्पणी गरेको छैन।
प्रतिक्रिया