युनिकोड
पाकिस्तानसँग सैन्य टकराबका विषयमा भारत सरकारले अहिले सर्वदलीय बैठक गरिरहेको छ।
भारतीय सञ्चारमाध्यमका अनुसार बैठक संसद् भवनमा जारी छ।
बैठकमा विपक्षी नेता राहुल गान्धी र मल्लिकार्जुन खड्गेलगायत धेरै नेता सहभागी छन्।
बैठकमा सबै पक्षलाई पाकिस्तानविरुद्ध भारतको सैन्य कारबाहीबारे जानकारी गराइनेछ।
साथै सीमा सुरक्षासम्बन्धी विषयमा पनि छलफल हुनेछ।
मंगलबार राति मात्र भारतले अपरेसन सिन्दूरअन्तर्गत पाकिस्तानका ९ स्थानमा हवाई हमला गरेको छ।
भारतले आतंकवादी लुक्ने ठाउँमा आक्रमण गरिएको दाबी गरे पनि पाकिस्तानले सर्वसाधारण बस्ने क्षेत्रमा हमला भएको दाबी गरिरहेको छ।
उक्त हमलामा २६ जना नागरिक मारिएको र ४६ जना घाइते भएको पाकिस्तानी सैन्य प्रवक्ताले बताएका छन्।
यसैबीच बुधबार बिहान पाकिस्तानले कश्मीर क्षेत्रमा गरेको गोलाबारीमा १५ जना मारिएको र ४३ जना घाइते भएको भारतीय सेनाले जनाएको छ।
जसका कारण दुई देशबीच पूर्ण युद्धको खतरा देखिएको छ।
प्रतिक्रिया