युनिकोड
पन्जाबका प्रहरी अधिकारीहरूले अमृतसर जिल्लामा विषाक्त मदिरा पिउँदा १४ जनाको मृत्यु भएको बताएका छन्।
साथै बिरामी ६ जनालाई अस्पतालमा भर्ना गरिएको छ समाचार एजेन्सी एएनआईले जनाएको छ।
यो घटना अमृतसरको मजिठामा भएको हो।
अमृतसरका एसएसपी मनिन्दर सिंहले पत्रकारहरूसँग भनेका छन्, ‘हामीलाई हिजो राति ९:३० बजेतिर जानकारी प्राप्त भयो कि यहाँ नक्कली मदिरा पिएपछि मानिसहरू मर्न थालेका छन्। हामीले तुरुन्तै कारबाही गर्यौँ र मुख्य आपूर्तिकर्ता परबजित सिंहसहित ४ जनालाई पक्राउ गर्यौँ।’
उनले थपे, ‘१४ जनाको मृत्यु भएको पुष्टि भएको छ र ६ जना हाल अस्पतालमा भर्ना छन्। यो घटना ५ वटा गाउँमा भएको हो।’
एसएसपीका अनुसार पन्जाब सरकारले नक्कली मदिरा आपूर्तिकर्ताहरूविरुद्ध कडा कारबाही गर्न निर्देशन जारी गरेको छ।
अमृतसरका उपायुक्त साक्षी एसले यी पाँच गाउँमा चिकित्सा टोलीहरू घर-घरमा खटाइएको बताइन्।
उनले भनिन्, ‘हामी थप ज्यान नगुमाउन सुनिश्चित गर्न प्रयासरत छौँ। सरकारले सबै सम्भव सहयोग प्रदान गरिरहेको छ।’
प्रतिक्रिया