तेलंगानाको रासायनिक कारखानामा विस्फोट: ३४ जनाको मृत्यु, २४ व्यक्ति बेपत्ता

भारतीय राज्य तेलंगानाको सांगरेड्डी जिल्लाको पसामिलाराम औद्योगिक क्षेत्रमा सोमबार भएको रिएक्टर विस्फोटबाट भएको ठूलो आगलागीमा कम्तीमा ३४ जनाको मृत्यु भएको छ। 

जिल्ला प्रशासनले सिगाची रासायनिक कारखानामा भएको विस्फोट र आगलागीमा मृत्यु भएकामध्ये अहिलेसम्म चार जनाको मात्र पहिचान भएको बताएको छ।

दुर्घटनामा ३५ जना घाइते पनि भएका छन्। सबैको उपचार जारी छ।

जिल्ला प्रशासनले दुर्घटनामा २४ जना अझै बेपत्ता रहेको र खोजी जारी रहेको बताएको छ। ५७ जना भने सुरक्षित छन्।

भारतका प्रधानमन्त्री नरेन्द्र मोदीले ट्विटरमा लेखेका छन्, "तेलंगानाको सांगरेड्डीमा रहेको एक कारखानामा भएको आगलागी घटनामा मृत्यु भएकाहरूको मृत्युबाट म दुःखी छु। आफ्ना प्रियजन गुमाएकाहरूप्रति समवेदना छ। घाइतेहरूको शीघ्र स्वास्थ्यलाभको कामना गर्दछु।"

उनले प्रधानमन्त्री राष्ट्रिय राहत कोषबाट प्रत्येक मृतकका परिवारलाई २ लाख रुपैयाँ र घाइतेहरूलाई ५० हजार रुपैयाँ दिने घोषणा पनि गरेका छन्।

साथै बिहार पनि सरकारले बिहारका बासिन्दा मृतकका परिवारलाई प्रतिव्यक्ति २ लाख रुपैयाँ र घाइतेलाई प्रतिव्यक्ति ५० हजार रुपैयाँ क्षतिपूर्ति दिने घोषणा गरेको छ।