युनिकोड
अमेरिकाको लस एन्जलसस्थित सान्ता मोनिका बुलेभार्डमा एउटा कारले भिडमा ठक्कर दिँदा कम्तीमा २० जना गम्भीर घाइते भएका छन्।
बीबीसीका अनुसार उक्त जानकारी लस एन्जलस अग्निसमन विभागले दिएको हो।
यो दुर्घटना लस एन्जलसको पूर्वी हलिउड क्षेत्रमा रहेको एक नाइटक्लब बाहिर स्थानीय समयअनुसार शनिबार बिहान २ बजे भएको हो।
घटनास्थलका तस्बिरमा फुटपाथमा खैरो कार, जमिनमा छरिएका भग्नावशेष र ठूलो संख्यामा प्रहरी उपस्थिति देखिएको छ।
दुर्घटनाबारे अनुसन्धान भइरहेको छ।
शुक्रबार लस एन्जलसकै काउन्टी सेरिफ प्रहरी तालिम केन्द्रमा विस्फोट हुँदा कम्तीमा तीन जनाको मृत्यु भएको थियो। यो विस्फोट बम डिस्पोजल स्क्वाडको गाडीनजिकै भएको थियो। विस्फोटको वास्तविक कारण अझै खुल्न सकेको छैन। अनुसन्धान जारी छ।
प्रतिक्रिया