युनिकोड
मंगलबार दिउँसो पाकिस्तानी सहर क्वेटाको व्यस्त सडकमा आत्मघाती बम विस्फोट भएको छ।
पाकिस्तानी पत्रिका डनका अनुसार विस्फोटमा १० जनाको मृत्यु भएको छ भने ३२ जना घाइते भएका छन्। मारिनेमा चार जना आतंककारी पनि छन्।
क्वेटाका एसएसपी मोहम्मद बलोचका अनुसार अर्धसैनिक बल मुख्यालयनजिकै विस्फोटक पदार्थले भरिएको गाडी विस्फोट भएको हो।विस्फोट यति शक्तिशाली थियो कि नजिकैका घरहरूका झ्यालसमेत फुटेका छन्, भित्ता चर्किएका छन्।
यसैबीच पाकिस्तानका राष्ट्रपति आसिफ अली जरदारीले यो आक्रमण भारत समर्थित तहरिक-ए-तालिबान पाकिस्तान (टीटीपी) का आतंककारीले गराएको आरोप लगाएका छन्।
भारतले भने अहिलेसम्म यो आरोपको जवाफ दिएको छैन।
प्रतिक्रिया