युनिकोड
फिलिपिन्समा फङ वोङ आँधीका कारण झन्डै १० लाख मानिसलाई सुरक्षित स्थानमा सारिएको छ।
आइतबार यो आँधी जमिनमा ठोकिने अनुमान गरिएको छ।
यो आँधीलाई सुपर टाइफुनको दर्जा दिइएको छ।
प्रतिघण्टा १८५ किलोमिटरको गतिमा हावा चल्ने अनुमान गरिएको छ र यो प्रतिघण्टा २३० किलोमिटरसम्म पुग्ने आकलन गरिएको छ।
फिलिपिन्सको मौसम विज्ञान सेवाले आँधी उत्तरपश्चिम लुजोनतिर सर्दै जाँदा तीन मिटर (१० फिट) भन्दा अग्ला छाल आउन सक्ने चेतावनी दिएको छ।
लुजोन फिलिपिन्सको सबैभन्दा बढी जनसंख्या भएको टापु हो।
केही दिनअघि मात्र फिलिपिन्सले अर्को आँधीको विनाश भोगेको थियो। कालमेगी आँधीले लगभग २०० जनाको ज्यान लिएको थियो।
प्रतिक्रिया