युनिकोड
आइतबार राति साउदी अरबको मक्का-मदिना राजमार्गमा भएको बस दुर्घटनामा मृत्यु भएका ४५ भारतीय नागरिकको शव स्वदेश फिर्ता नल्याइने भएको छ।
उनीहरू सबै उमराह (इस्लामिक तीर्थयात्रा) का लागि साउदी अरब गएका थिए।
तेलङ्गाना मन्त्रिपरिषद्ले सोमबार गरेको निर्णयअनुसार सबै मृतकलाई उनीहरूको धार्मिक रीतिरिवाज अनुसार साउदी अरबमै अन्त्येष्टि गरिनेछ।
भारतीय सञ्चारमाध्यमका अनुसार अन्त्येष्टिमा भाग लिन प्रत्येक परिवारबाट दुई जना सदस्यलाई साउदी अरब पठाइनेछ।
केही मिडिया रिपोर्टका अनुसार, परिवारलाई शव भारत फिर्ता ल्याउने वा मदिनाको जन्नतुल बाँकीमा गाड्ने विकल्प दिइनेछ। तर साउदी कानुनमा शव फिर्ता गर्न अत्यन्तै कठिन छ।
गत आइतबार राति मक्काबाट मदिना जाँदै गरेको बस डिजेल ट्यांकरसँग ठोकिएर आगलागी हुँदा भारतीय १८ महिला, १७ पुरुष र १० बालबालिकाको मृत्यु भएको भारतीय पत्रिका दैनिक भास्करले जनाएको छ।
प्रतिक्रिया