युनिकोड
अमेरिकामा डेल्टा एयरलाइन्सको बोइङ विमान लस एन्जलस अन्तर्राष्ट्रिय विमानस्थलबाट एटलान्टा जाँदै थियो।
उडान डीएल४४६ उड्नेबित्तिकै इन्जिनमा अचानक आगो लाग्यो।
यद्यपि दुर्घटना हुन पाएन र विमानलाई सुरक्षित रूपमा विमानस्थलमा अवतरण गरियो।
यसको भिडिओ पनि सार्वजनिक भएको छ। जसमा बायाँ इन्जिनमा आगो लागिरहेको देखिन्छ।
❗️Boeing 787 Makes Emergency Landing in LA 🇺🇸 - Engine ON FIRE 🔥
Video claims to show a Delta Airlines flight bound for Atlanta on Friday making an emergency landing at LAX. The engine reportedly caught fire shortly after take-off.
📹 @LAFlightsLIVE https://t.co/t1HBVLDi0P pic.twitter.com/vYNgkpZJcq — RT_India (@RT_India_news) July 19, 2025
रिपोर्टअनुसार, विमानमा आगो लागेपछि तुरुन्तै आपत्काल घोषणा गरी उडान गरिएको विमानस्थलतिरै फिर्ता लाने तयारी सुरु गरियो।
लस एन्जलस विमानस्थलमा एटीसीले विमानलाई फिर्ता आउन निर्देशन दियो।
विमान पहिले प्रशान्त महासागरमाथि गयो र यसपछि डाउनी र प्यारामाउन्ट क्षेत्र हुँदै तल ओर्लन थाल्यो।
यसैबीच चालक दलका सदस्यहरूले सुरक्षित अवतरणका लागि तयारी गर्दै विमानको गति र उचाइ नियन्त्रणमा लिए।
विमानका यात्रुले घटनाबारे जानकारी दिएका छन्। उनीहरूले विमानका कप्तानले इन्जिनमा आगलागी भएको कुरा प्रमाणित गरेका छन्।
यद्यपि अहिलेसम्म आगलागीको कारण थाहा भएको छैन। संघीय उड्डयन प्रशासनले अनुसन्धान सुरु गरेको छ। यो विमान लगभग २५ वर्ष पुरानो हो। यसमा दुईवटा जीई सीएफ-६ इन्जिन जडान गरिएका छन्।
डेल्टाको विमानमा यस्तो समस्या आएको यो पहिलोपटक होइन।
गत अप्रिलमा ओर्लान्डो अन्तर्राष्ट्रिय विमानस्थलमा पनि डेल्टा विमानमा आगलागी भएको थियो।
डेल्टा एयरलाइन्सको उडान १२१३ को इन्जिनमा एटलान्टा उडान गर्ने तयारी गर्दा आगो लागेको थियो।
यो विमान एयरबस ए३३० थियो। त्यसबेला विमानमा २८२ यात्रु, १० उडान परिचारिका र दुई पाइलट थिए। यद्यपि, कोही पनि घाइते भएनन्।
प्रतिक्रिया