युनिकोड
भारतीय जनता पार्टी (भाजपा) का राष्ट्रिय अध्यक्ष नितिन नवीनले विधायक पदबाट राजीनामा दिएका छन्।
नितिन नवीन २००६ देखि २०२६ सम्म लगातार पाँच कार्यकाल पटनाको बाँकीपुर विधानसभा क्षेत्रबाट विधायक निर्वाचित भएका थिए।
भाजपाको राष्ट्रिय अध्यक्ष बनेपछि उनी राज्यसभामा पनि निर्वाचित भए। त्यसैले उनले विधानसभाबाट राजीनामा दिनुपरेको हो।
भाजपा प्रदेश अध्यक्ष सञ्जय सरावगीले नितिन नवीनको राजीनामा विधानसभाअध्यक्ष प्रेम कुमारलाई बुझाएका छन्।
सञ्जय सरावगीले भने, ‘नितिन नवीनले आइतबार साँझ आफ्नो राजीनामा पत्र बुझाए। सोमबार विधानसभा कार्यालय खुल्नासाथ उनको राजीनामा बुझाइएको छ।’
नयाँ मुख्यमन्त्रीको प्रश्नमा उनले भने, ‘हाल नितिश कुमार बिहारका मुख्यमन्त्री हुनुहुन्छ। यदि नयाँ परिस्थिति सिर्जना भयो भने भाजपाको केन्द्रीय नेतृत्व र एनडीएले निर्णय गर्नेछ।’
नितिन नवीनले फेसबुकमा लेखेका छन्, ‘पार्टीले मलाई दिएको नयाँ भूमिकामार्फत म सधैँ मेरो क्षेत्र र बिहारको विकासका लागि तयार र प्रतिबद्ध रहनेछु।’
प्रतिक्रिया