भारतीय सदस्य पनि रहेको जहाज अरब सागरबाट अपहरण

अरब सागरमा लाइबेरियाको झण्डा लगाइएको व्यापारिक जहाज अपहरणपछि भारतले त्यहाँ युद्धपोत तैनाथ गरेको छ।

सोमालियाको तट नजिक रहेको यो व्यापारी जहाजको चालक दलमा केही भारतीय सदस्य पनि थिए।

बिहीबार लाइबेरियाको झण्डा लगाइएको कार्गो जहाज एमभी लिला नोर्फोकको अपहरणको सूचना यूके मेरिटाइम ट्रेड अपरेसनले दिएको थियो।

यो ब्रिटिस सेनाको एक संगठन हो, जसले रणनीतिक समुद्री मार्गमा अलग-अलग जहाजको चाललाई ट्र्याक गर्दछ।

भारतीय नौसेनाका प्रवक्ताले भने- यस घटनाको जानकारी प्राप्त हुनेबित्तिकै सेनाले स्थापना गरेको प्लेटफर्मले तुरुन्त प्रतिक्रिया दिएको थियो।

बिहीबार साँझ ५ देखि ६ बजेसम्म हतियारधारी उक्त व्यापारी जहाजमा प्रवेश गरेको बताइएको छ।