सुनको मूल्यमा कीर्तिमान, चाँदीको कति?

नेपाली बजारमा सुनचाँदीकै मूल्यले कीर्तिमान कायम गरेको छ। आज आइतबार सुन प्रतितोला २ लाख २३ हजार २०० रुपैयाँमा कारोबार भइरहेको नेपाल सुनचाँदी व्यवासायी महासंघले जनाएको छ।  

यो मूल्य अहिलेसम्मकै उच्च मूल्य हो। शुक्रबार २ लाख २३ हजार रुपैयाँमा कारोबार भएको सुन आज २ लाख २३ हजार २ सय पुगेको हो। 

आज चाँदीको मूल्यले पनि नयाँ रेकर्ड बनाएको छ। चाँदी दुई हजार ८१० रुपैयाँमा कारोबार भएको छ ।

गत शुक्रबार दुई हजार ७४० रुपैयाँमा कारोबार भएको थियो।