युनिकोड
मोरङको बेलबारीमा शनिबार अपराह्न सडक निर्माण सामग्री बोकेको गाडीमा आगलागी भएको छ।
बेलबारी नगरपालिका–८ स्थित भाउन्ने क्षेत्रको एसियन हाइवे निर्माण स्थलमा कार्य भइरहेका बेला प्रदेश १–०२–००१ क ५१२४ नम्बरको गाडीमा एक्कासी आगो लागेको हो।
दिउँसो करिब ४ बजेतिर अलकत्रा बोकेको गाडीमा आफैं आगो लागेको प्रारम्भिक जानकारी प्राप्त भएको जिल्ला प्रहरी कार्यालय मोरङका प्रवक्ता डिएसपी कोपिला चुडालले जानकारी दिइन्।
उनका अनुसार गाडीमा अलकत्रा भएकाले अत्यधिक तातिएपछि आगलागी भएको अनुमान गरिएको छ। ‘निर्माण कार्य भइरहेका बेला नोजलको जाम भएको कारण आगलागी भएको प्राबिधिकले बताएका छन्,’ डिएसपी चुडालले भनिन्, ‘मानवीय क्षति भने नभएको र आगो नियन्त्रणमा लिइएको छ।’
घटना बारेमा अनुसन्धान भईरहेको प्रहरीले जनाएको छ।
प्रतिक्रिया