युनिकोड
ज्वानोले सयौं किसिमका खाना पचाउन मद्दत गर्छ। नेपालमा मात्र नभइ छिमेकी मुलुक भारत पाकिस्तानमा पनि ज्वाना प्रयोग हुन्छ।
भारतका केही भागमा त ज्वानोले हैजालाई पनि ठीक गर्छ भन्ने विश्वास समेत गरिन्छ।
सुत्केरीका लागि ज्वानो महत्त्वपूर्ण खाद्य मानिन्छ।
यो बालबालिका, वृद्ध सबैका लागि भोजन र औषधी दुवै हो। यसमा रहेको क्याल्सियम उच्चकोटिको हुन्छ र शरीरमा सजिलैसँग पच्छ। ज्वानोमा अत्यन्त धेरै क्याल्सियम हुन्छ। यसले हाडलाई बलियो बनाउँछ।
यी समस्या हुँदा खान सकिन्छ ज्वानो
ग्यास भरिँदा
बच्चाहरूको नाक बन्द हुँदा
आधा मुठीजति ज्वानोलाई अलि/अलि थिचेर एउटा कपडामा बाँधेर बच्चाको सिराननिर राख्ने। त्यसको गन्धले बच्चाहरूको नाक खुल्न मद्दत गर्छ।
चिसो लागेका बेला
आधा चम्चा ज्वानोको धुलो र एक चम्चा बेसार एक गिलास पानीमा राखी उमाल्ने र सहन सक्ने तातो पिउने।
नाक बन्द भएका बेला
एउटा भाँडोमा पानी हाली एक चम्चा ज्वानो पानीमा उमाल्ने र पानीको वाफ लिने।
खोकी लाग्दा
आधा चम्चा ज्वानो, दुई/तीन वटा ल्वाँग र अलिकति नुन पानीमा मिसाएर बारम्बार पिउने।
सुत्केरीलाई पनि ज्वानोको सुप बनाएर पिउन दिने चलन छ। बिरामीबाट तङ्ग्रिन लागेका बालकदेखि वृद्धसम्म सबैलाई ज्वानोले पाइदा गर्छ। कुपोषण भएका बालबालिकालाई ज्वानोको सुप पिउन दिएमा उनीहरूको स्वास्थ्य राम्रो हुँदै जान्छ।
प्रतिक्रिया