हङकङमा संगठित अपराधविरुद्धको अपरेसनमा ३१५ जना समातिए

हङकङमा संगठित अपराधविरुद्धको अपरेसनमा ३१५ जना समातिए

नेपालखबर
असोज १० , हङकङ

हङकङ प्रहरीले कालोधनविरुद्धको अपरेसनमा ३१५ जना मानिसहरुलाई पक्राउ गरेको छ।

साउथ चाइना मर्निङ पोस्टका अनुसार संगठित अपराधविरुद्धको अपरेसनको क्रममा उनीहरु पक्राउ परेका हुन्। उनीहरुको साथबाट स्रोत नखुलेको ४लाख ६० हजार हङकङ डलर नगद, ४ लाख १० हजार नक्कली नोटका साथै १० किलो लागूऔषधसमेत बरामद गरिएको छ। 

गत बिहीबार सुरु गरिएको उक्त अपरेसनको क्रममा पक्राउ पर्नेहरु १५ देखि ८७ वर्ष उमेरसमूहका मानिस छन्। पक्राउ पर्नेहरुमाथि दुर्व्यवहार, आगलागी, पैसा असुली, नक्कली नोटको कारोबार, आगू औषध तस्करीलगायतका आरोप छन्। 

प्रहरीले उनीहरुको साथबाट १.१ टनको तस्करी गरेर ल्याइएको फ्रोजन मासु पनि बरामद गरेको छ। प्रहरीका अनुसार अहिले पनि कानुन कार्यान्वयनको लागि चलाइएको यो अपरेसन जारी छ।

यद्यपि प्रहरीले अब कुन कुन स्थानमा छापा मार्न लागेको हो भन्ने विषयमा भने कुनै जानकारी दिएको छैन। 

प्रहरीले अवैधरुपमा सहरमा असुली गर्ने र कालोधन नियन्त्रण गर्ने यो अपरेसनको लक्ष्य रहेको बताएको छ। प्रहरीका अनुसार यस वर्षको सुरुवाती ६ महिनामा ३१ हजार ४३४ अपराध भएका छन्।

एक वर्षअघिको तुलनामा १.८ प्रतिशतले धेरै हो। जसमध्ये ८५१ अपराध संगठित समूहबाट भएको थियो। संगठित समूहबाट हुने अपराध पनि बढेको छ। 

असोज १०, २०७९, साेमबार

प्रतिक्रिया

Danfe Global Hong Kong Pvt. Ltd.

Ground Floor 9, Keybond Commercial Building,
No. 38 Ferry Street, Kowloon, Hong Kong

[email protected]
[email protected]

Hong Kong Team

Correspondent
Purna Gurung (Macau)

Radio Correspondent
Santosh Tamang
HK News Coordinator
Magendra Rai

Editor in Chief
Purna Basnet
Copyright © 2021 Nepalkhabar. All Rights Reserved. Designed by Curves n' Colors. Powered by .