युनिकोड
काठमाडौं महानगरपालिकाले सडक र फुटपाथ अतिक्रमण गरेर बनाइएका अवैध संरचना धमाधम हटाउन थालेको छ।
एक साताअघि मात्रै कोटेश्वरस्थित अवैध संरचना हटाएको महानगरले आइतवार फेरि त्यस क्षेत्रमा डोजर चलाएको छ।
महानगरले आइतवार कोटेश्वरको भाटभटेनी सुपरमार्केटले स्टोरका रुपमा प्रयोग गरेको बेसमेन्ट खाली गरेको छ।
भाटभटेनी सुपरमार्केटको बेसमेन्टको पार्किङका लागि नक्सा पास भए पनि स्टोरका रुपमा प्रयोग गरिएकाले खाली गरिएको काठमाडौं महानगर प्रहरी प्रमुख राजु पाण्डेले बताए।
त्यस्तै भाटभटेनी क्षेत्रमा रहेका अवैध संरचना पनि डोजर लगाएर हटाइएको छ। उता महानगरको डोजरले अहिले तीनकुने-कोटेश्वर क्षेत्रका अवैध संरचना धमाधम भत्काइरहेको छ।
यसअघि अल्टिमेटमसहित दिइए समयमा फुटपाथ ढाकेर बनाइएका भर्याङसहितका संरचना नहटाएपछि डोजर चलाइएको हो।
महानगरले फुटपाथ मिचेर राखिएका होर्डिङ बोर्ड, होटेल, भर्याङ र टहरा धमाधम भत्काएर सफाइ अभियान चलाइरहेको छ।
प्रतिक्रिया