निर्वाचन प्रहरीको बिदाइ (तस्बिरहरू)

प्रतिनिधि सभाको निर्वाचनका लागि भर्ना गरिएका निर्वाचन प्रहरीलाई बिहीबार बिदाइ गरिएको छ। 

काठमाडौँको तीनकुनेस्थित प्रहरी वृत्तमा एक कार्यक्रमको आयोजना गरी निर्वाचन प्रहरीको बिदाइ गरिएको हो। प्रहरी अधिकृतहरूले उनीहरूलाई टीका र खादा लगाएर बिदाइ गरेका हुन्। 

फागुन २१ गते भएको निर्वाचनका लागि देशभर १ लाख ३० हजार ९८० निर्वाचन प्रहरी परिचालन गरिएका थिए। त्यस्तै, सशस्त्र प्रहरी मातहत ५ हजार ११० निर्वाचन प्रहरी परिचालन गरिएको थियो।