भारत र चीनबीच सीमा विवाद जारी रहँदा दुवै देशले उत्तरी सिक्किमको सीमा क्षेत्रमा सैन्य हटलाईन स्थापना गरेका छन्।
भारतीय सेनाले उत्तरी सिक्किमको कोंग्रा ला र चिनियाँ जनमुक्ति सेनाले तिब्बतको खम्बा जोङ क्षेत्रमा सीमामा विश्वास र सौहार्दपूर्ण सम्बन्ध स्थापना गर्न हटलाईन स्थापना गरेको बताइएको छ।
अगष्ट एक अर्थात् चिनियाँ जनमुक्ति सेना दिवसमा यो हटलाईन स्थापना भएको हो। भारतीय सेनाका अनुसार हटलाईन उद्घाटन कार्यक्रममा दुवै आर्मीका ग्राउन्ड कमान्डर उपस्थित थिए। उनीहरुले मित्रता र सद्भाव को सन्देश दिएका थिए।
हटलाईनको स्थापनासँगै दुवै देशका सेनाले सिधै सम्पर्क गरेर सीमा विवाद सम्बन्धी विषयमा छलफल गर्न सक्नेछन्।
गलवान उपत्यकामा गतवर्ष चिनियाँ र भारतीय सेनाबीच भिडन्त भएयता दुवै देशका सेनाबीच ११ पटकसम्म विवाद समाधान गर्ने प्रयास भएका छन्।
चाँडै १२ चरणको पनि वार्ता हुँदैछ। हटलाईन स्थापनाले सीमा विवादमा दुवै देश गम्भीर रहेको संकेत गरेको छ। द हिन्दु
Shares
प्रतिक्रिया