युनिकोड
प्रधानमन्त्री शेरबहादुर देउवा आज (मंगलबार) बिहान धरान आइपुगेका छन्। धरान स्थापना दिवसका अवसरमा आयोजित ‘धरान डे’ उद्घाटन गर्न उनी नेपाली सेनाको हेलिकप्टरमार्फत धरान आइपुगेका हुन्।
देउवाले धरान २ स्थित नेपाली कांग्रेस सुनसरी क्षेत्र नं. १ को नवनिर्मित पार्टी कार्यालयको भवन उद्घाटन गर्ने पहिलो कार्यक्रम छ।
त्यसपछि धरान ६ पानवारीमा फोहोर प्रशोधन केन्द्र उद्घाटन गर्ने कार्यक्रम छ भने धरान ८ स्थित तीनकुने सुन्दर बस्ती विकास आयोजनामा बन्दै गरेको बसपार्क अवलोकन गर्ने कार्यक्रम तय भएको छ।
बसपार्क अवलोकनपश्चात् प्रधानमन्त्री देउवाले धरान १२ मा निर्माण भएको प्राविधिक शिक्षालय भवन उद्घाटन गर्ने कार्यक्रम छ भने दिउँसो १ बजे धरान स्थापना दिवस समाराेहमा सहभागी हुने तालिका छ।
धरान स्थापना दिवसकाे कार्यक्रम धरान १२ स्थित पब्लिक हाइस्कुलको प्राङ्गणमा उद्घाटन गरिँदै छ।
प्रतिक्रिया