युनिकोड
सत्ता गठबन्धनले जनकपुरधाम उपमहानगरपालिकाको प्रमुख जनता समाजवादी पार्टीलाई दिने निर्णय लगत्तै नेपाली कांग्रेसले सोही पदमा तीनजनाको नाम सिफारिस गरेको छ।
जनकपुरधाम नगर समितिले उपमहानगरको मेयर तथा उपमेयरका लागि तीन/तीन जनाको नाम सिफारिस गरेको हो।
मेयरका लागि नगर सभापति मनोज साह, उपसभापति राकेश विक्रम साह र किशोरी साहको नाम सिफारिस गरिएको नगर सचिव लालबाबु मिश्रले जानकारी दिए।
त्यस्तै, उपप्रमुखमा इन्दिरा चौधरी, रुना झा र शान्ति विष्ट घिमिरेको नाम सिफारिस गरेको हो।
गठबन्धनको सो निर्णयप्रति कांग्रेस नगर समितिले आपत्ति जनाएको छ। सो निर्णय कदापी स्वीकार्य नहुने र सच्याउन कांग्रेसले माग समेत गरेको छ। सो निर्णय नसच्याए कडा कदम उठाउने चेतावनी समेत नेता कार्यकर्ताले दिएका छन्।
प्रतिक्रिया