युनिकोड
विवेकशील साझा पार्टी त्यागेर राष्ट्रिय प्रजातन्त्र पार्टी (राप्रपा) वरिष्ठ उपाध्यक्ष बनेका नेता रवीन्द्र मिश्रले गर्व गर्न सक्ने सांसद बनेर देखाउने प्रतिवद्धता गरेका छन्।
मिश्रले शुक्रबार (१४ असोज) काठमाडौं क्षेत्र नम्बर १ बाट आफ्नो उम्मेदवारी घोषणा गरेका छन्। काठमाडौं–१ मा गठबन्धनका तर्फबाट नेपाली कांग्रेसका नेता प्रकाशमान सिंह उम्मेदवार बन्ने चर्चा छ।
०७४ को निर्वाचनमा पनि यहाँ मिश्र र सिंहबीच प्रतिस्पर्धा भएको थियो। । त्यसबेला मिश्र ८१९ मतको झिनो अन्तरले पराजित भएका थिए।
मिश्रले त्यसबेला १० हजार १ साय १८ मत प्राप्त गरेका थिए। विजयी सिंहले १० हजार ९ सय ३७ मत ल्याएका थिए।
उनले हलो चुनाव चिन्ह लिएर काठमाडौं क्षेत्र नम्बर १ बाट उम्मेदवारी घोषणा गर्दै यहाँका मतदाताले गर्व गर्न सक्ने सांसद बनेर देखाउने बताएका हुन्।
‘काठमाडौं क्षेत्र नं १ का मतदाताले निशंकोच गर्व गर्न सक्ने सांसद बनेर देखाउंछु।’ मिश्रले भनेका छन्, ‘आज मेरो उम्मेदवारी घोषणा गर्दा काठमाडौं क्षेत्र नं १ का मतदाता सामू मैले गरेको प्रतिवद्धता।’
प्रतिक्रिया