रवि लामिछानेको नागरिकता विवादबाट आत्तिनुपर्दैन, समाधान हुन्छ : सुवास नेम्वाङ

सत्तारुढ नेकपा (एमाले)का उपाध्यक्ष एवम् पूर्वसभामुख सुवाष नेम्वाङले मुलुकको पछिल्लो राजनीतिक परिस्थितिबाट कोही पनि आत्तिनुपर्ने अवस्था नरहेको बताएका छन्।

सर्वोच्च अदालतको फैसलापछि गृहमन्त्री रवि लामिछानेले पद त्याग गर्नु परेको प्रसंग उल्लेख गर्दै उनले ती समस्यालाई संविधान अन्तरगत नै हल गरेर अघि बढ्न आफूहरु सक्षम रहेको पनि पटक-पटक दोहोर्‍याए।

शहिद दिवसको अवसर पारेर नेकपा (एमाले)ले च्यासलस्थित पार्टी केन्द्रिय कार्यालयमा शनिवार आयोजना गरेको एक कार्यक्रममा बोल्दै उपाध्यक्ष नेम्वाङले नेपाली जनता आफैंले बनाएको संविधान बुद्धिमानीपूर्वक कार्यान्वयन गर्न पनि राजनीतिक दलहरु सचेत हुनुपर्ने आवश्यक्ता औंल्याए।

‘अहिले भर्खरका पनि घटनाक्रमहरु छन नि। सम्मानित सर्वोच्च अदालतले अहिले हाम्रो गृहमन्त्री उहाँले राजीनामा गर्नुपर्ने अवस्था भयो नि। के हुन्छ?,’ नेम्वाङले अघि भने, ‘यी सबै घटनाक्रमहरुलाई स्वभाविक रुपमा जनताले बनाएको यो संविधान अन्तरगत हामी राजनीतिक दलहरुलाई यसलाई एउटा टुंगोमा पु¥याउन सक्षम छौं। पु¥याउँछांै। यसमा अलिकति पनि आत्तिनुपर्ने चिन्ता गर्नुपर्ने कुरा छैन।’ 

साथै, उनले संविधान जतिसुकै राम्रो भएपनि त्यसलाई दलहरुले आफ्नो बुद्धि, विवेक र क्षमता प्रर्दशन गरेर कार्यान्वयनमा लैजानुपर्ने बताए। 

‘त्यो अवस्थालाई हामी सम्बोधन गर्छौं भनेर सोचेरै यो संविधान बनाइएको हो। मिश्रीत निर्वाचन प्रणाली अपनाउँदा कसैको बहुमत नआउन सक्छ भनेर हामीले पहिले नै सोचेर संविधान बनाएको हो। त्यसैले यो चिन्ताको विषय होइन,’ नेम्वाङले भने, ‘म आग्रह गर्न चाहन्छु–यी सम्पूर्ण कुराहरुलाई जनताले जनताका लागि बनाएको संविधान अन्तरगत हामी पार लगाउँछौं। यो कुरा पनि मौकामा भन्नु पर्दछ–होइन यो त संविधानकै त्रुटि पो भएछ कि? संविधानमै त्रुटि भएछ कि।’

उपाध्यक्ष नेम्वाङले मुलुकमा देखा परेका समस्याहरुलाई समाधान गर्न राजनीतिक दलहरु र त्यसको नेतृत्व समक्ष रहेको बताए। उनले नेपालको संविधान शहीदहरुको भावना अनुसार बनेको पनि बताए।

‘जतिसुकै राम्रो संविधान होस्, त्यसले बुद्धि, विवेक र क्षमता चाँही बाँड्दैन। मिल्ने भए त एक किलो, दुई किलो, १५ किलो बुद्धि, विवेक क्षमता बाँडदा हुन्थ्यो नि। तर राम्रो संविधानले त्यो गर्न सक्दैन। त्यो बुद्धि, विवेक र क्षमता हामीले देखाउन सक्नु पर्दछ,’ नेम्वाङले भने, ‘मलाई विश्वास छ–हाम्रो पार्टी अग्रपंक्तीमा उभिएर सबै समस्याहरुलाई समाधान गर्दै अगाडि बढनुपर्छ भनेर अगाडि बढिरहेको छ। जुनसुकै समस्यालाई हामी यो संविधान अन्तरगत रहेर समाधान गर्छौंं।’
अप्ठ्यारा, कमीकमजोरीका बाबजुद यीनै दल र दलका नेताहरुले देशलाई यो ठाउँसम्म ल्याई पु¥याएका हुन। कमीकमजोरीको बाबजुत यी र यीनै दलका नेताहरुले देशलाई एउटा सकारात्मक निष्कर्षमा पु¥याउँछन। सबै दलले मिलेर संविधानलाई बुद्धिमानीपूर्वक कार्यान्वयन गर्दै जाउँ। समयसापेक्षा परिमार्जन गर्दै जाउँ।’