युनिकोड
सरकारमा रहने-नरहने निर्णयका लागि राष्ट्रिय स्वतन्त्र पार्टी (रास्वपा) को बैठक सुरु भएको छ।
बिहीबार अपरान्ह ५ बजे केन्द्रीय समिति र संसदीय दलको संयुक्त बैठक सुरु भएको हो।
पार्टी प्रवक्ता एवम् महामन्त्री डा. मुकुल ढकालका अनुसार केन्द्रीय कार्यालय बसुन्धरामा संयुक्त बैठक बसिरहेको छ।
यो बैठकमा पुष्पकमल दाहाल प्रचण्ड नेतृत्वको सरकारमा रहने या बाहिरिने ठोस निर्णय हुने ढकालले बताए।
गत शुक्रबार सर्वोच्च अदालतको फैसलापछि रविले सांसद, गृहमन्त्री, पार्टी सभपति र संसदीय दलको नेताको पद एकसाथ गुमाएका थिए।
तर गैरसांसद भइसके पनि उनले फेरि प्रधानमन्त्री प्रचण्डसँग गृहमन्त्रालय मागिरहेका छन्। यस्तोमा रास्वपाले सरकार छाड्ने संकेत गरेको छ।
प्रचण्डले सर्वोच्चको फैसलाको पूर्णपाठ नआएसम्म गृह रविलाई नदिइ आफैं राख्ने अडान लिएका बेला रास्वपा बैठक बसेको हो।
प्रतिक्रिया