नेपाली कांग्रेसको संस्थापन इतर समूहले सम्मानजनक सहभागिता नभए सरकारमा सहभागी नहुने अडान राखेको छ।
मन्त्रिपरिषद् विस्तार हुँदै गर्दा शुक्रबार बसेको उक्त समूहको बैठकले सम्मानजनक सहभागिता नभए सरकारमा सहभागी नहुने अडान राखेको हो।
सहमहामन्त्री जीवन परियारले सम्मानजनक सहभागिता नभए सरकारमा नजाने र बाहिरै बस्ने जानकारी सभापति शेरबहादुर देउवा र प्रधानमन्त्री पुष्पकमल दाहाल प्रचण्डलाई जानकारी गराइएको पनि बताए।
‘हामी छलफलमा बसेको थियौँ। सम्मानजनक सहभागिता नभए सरकारमा जान्नौँ। बाहिरै बस्छौँ,’ उनले भने, ‘यो बारे हामीले प्रधानमन्त्री र सभापति दुवैलाई भनिसकेका छौँ।’
प्रचण्ड नेतृत्वको सरकारमा कांग्रेसले ७ मन्त्रालय पाउने सहमति भइसकेको छ। इतर समूहले जसमध्ये कम्तिमा ३ मन्त्रालय पाउनु पर्ने बताउँदै आएको छ।
Shares
प्रतिक्रिया