नेकपा एमालेले इलाम क्षेत्र नम्बर २ मा वैशाख १५ गते हुने उपनिर्वाचनका लागि सुहाङ नेम्वाङलाई उम्मेदवार बनाउने निर्णय गरेको छ।
आइतबार ललितपुरको च्यासलस्थित केन्द्रीय कार्यालयमा बसेको सचिवालय बैठकले इलाम २ मा सुहाङलाई उठाउने निर्णय गरेको हो।
२०७९ मंसिरको निर्वाचनमा विजयी एमाले उपाध्यक्ष सुवास नेम्वाङको गत भदौ २५ गते राति हृदयाघातबाट निधन भएपछि उक्त क्षेत्र रिक्त थियो।
सुवास नेम्वाङको निधनपछि रिक्त उक्त क्षेत्रमा एमालेले उनका कान्छा पुत्र सुहाङलाई उठाउने निर्णय गरेको हो।
सुहाङ पेशाले कानुन व्यवसायी हुन्। उनी फुटबल क्लब पनि चलाउँछन्। सुहाङ इलाममा सामाजिक काममा पनि सक्रिय छन्।
सुहाङसहित अन्य ६ जनालाई जिल्ला र प्रदेशबाट पार्टी कमिटीले सिफारिस गरेको थियो।
सुहाङले केही समयअघिदेखि नै इलाममा आफ्नो उपस्थिति बाक्लो बनाएका छन्। पार्टी केन्द्रबाट पाएको निर्देशनपछि उनी निर्वाचन क्षेत्रमा खटिएका हुन्।
इलामका जनताबाट आफूले उत्साहजनक प्रतिक्रिया पाएको नेम्वाङ बताउँछन्। केहीदिनदेखि काठमाडौंमै रहेका उनी पार्टीले टिकट दिएसँगै पुनः निर्वाचन क्षेत्रमै केन्द्रीत हुने कार्यक्रम छ।
एमालेले इलाममा स्थायी कमिटी सदस्य शिवमाया तुम्बाहाङ्फेलाई उपनिर्वाचनका लागि खटाएको छ।
सम्बन्धित समाचार
- सुहाङसहित आकांक्षी सबैको नाम सिफारिस, उम्मेदवार टुंग्याउने जिम्मा केन्द्रलाई
- इलाम उपनिर्वाचन : सुहाङसहित एमालेका ५ नेताले दिए पार्टीमा निवेदन
- सुहाङलाई भित्र्याएर इलाम २ को उम्मेदवार बनाउने रास्वपाको प्रयास
- इलामको उपनिर्वाचन : यी हुन् उम्मेदवारका दाबेदार, सुहाङले पाउलान् टिकट?
- बुवालाई सम्झिँदै सुहाङले भने : राजनीतिक परिवारमा हुर्किँदैमा आफैंले अवसर पाउनुपर्छ भन्दिनँ (भिडिओ)
- सुवास नेम्वाङ पुत्र सुहाङले किने फुटबल क्लब, भन्छन् : आक्रामक रुपमा अघि बढ्छौँ
- सुवास नेम्वाङ फुटबल टोलीको कप्तान थिए, छोरा सुहाङले क्लब नै किनेर थाले व्यवसाय
- बुवा भन्नुहुन्थ्यो– तिमीलाई राजनीतिमा ल्याउँछन्, म इलामबाट उठ्दा श्रद्धाञ्जली नै हुन्छ : सुहाङ नेम्बाङ (अन्तर्वार्ता)
- राजनीतिमा सुहाङको ‘डेब्यु’
Shares
प्रतिक्रिया