युनिकोड
पूर्वप्रधानमन्त्री तथा नेकपा एकीकृत समाजवादीका सम्मानित नेता झलनाथ खनालले कम्युनिस्ट आन्दोलनको एकता र पुनर्गठनका लागि आह्वान गरेका छन्।
नयाँ वर्ष २०८१ को उपलक्ष्यमा शनिबार शुभकामना सन्देश जारी गर्दै नेता खनालले ८० को दशकलाई कम्युनिस्ट आन्दोलनको एकता, पुनर्गठन र प्रगतिको दशक बनाउन अपिल हुन्।
‘कम्युनिस्ट आन्दोलनलाई सकारात्मक दिशामा अघि बढाउन सबै वामपन्थी समूहहरूमा म ठूलो, म बलियो र मैले सबै कुरा पाउनुपर्छ भन्नेजस्ता दम्भ र घमण्डबाट मुक्त हुनुपर्छ, सबैबीच समानता र सम्मानका साथ साझा आधारमा एकताबद्ध बन्न र बनाउन सक्नुपर्छ’, नेता खनालले भनेका छन्, ‘जनता र राष्ट्रका ज्वलन्त सवालहरूको समाधानका निम्ति एकजुट हुन सक्नुपर्छ।
उनले बितेको २०८० साललाई एउटा उथलपुथलपूर्ण वर्ष भनेका छन्।
‘हामीले एकातिर एउटा उथलपुथलपूर्ण, आक्रमण, हस्तक्षेप, युद्ध, विध्वंस र नरसंहारका प्रवृत्तिहरू र अर्कोतिर शान्ति, विकास, स्वतन्त्रता, समाजवाद र समृद्धिका शक्तिहरूको विस्तारको प्रवृत्ति तथा पूर्व र पश्चिम अनि उत्तर र दक्षिण बीचको बढ्दो टक्करका बीच विश्व परिस्थिति विकसित भइरहेको देखिरहेका छौं’, उनले भनेका छन्, ‘त्यसरी नै हाम्रो देशले समाजवादी क्रान्ति र रूपान्तरणको युगबाट अघि बढ्ने क्रममा एउटा उथलपुथलपूर्ण वर्षलाई पार गरेका छौं।’
उनले अगाडि भनेका छन्, ‘गत वर्षभरि देशका वामपन्थी शक्तिहरू एक आपसमा विभाजित हुने, एक अर्कोप्रति आक्रामक हुने र आफूले आफैँलाई कमजोर बनाउने दिशामा लागे भने दक्षिणपन्थी शक्तिहरूले आफूलाई बलियो बनाउँदै लगे। त्यसले मुलुकमा अस्थिरता, दिशाहीनता र अकर्मण्यता सिर्जना गर्यो। मुलुकको राजनीतिक, आर्थिक, सामाजिक, सांस्कृतिक र राष्ट्रियताको क्षेत्र संकटग्रस्त बन्दै गयो।’
२०८० को अन्त्यमा वामपन्थी शक्ति संयुक्त सरकारमा सहभागी बनेको उल्लेख गर्दै उनले यो एउटा सकारात्मक राजनीतिक विकास भएकाे जिकिर गरेका छन्।
पढ्नुहोस् खनालको पूरा विज्ञप्ति-
प्रतिक्रिया