सरकारको छातीमा फेरि कुशासनको तक्मा थपिएको छ : सांसद किराँती

प्रमुख प्रतिपक्षी नेकपा माओवादी केन्द्रका सांसद सुदन किराँतीले सुशासनका लागि भन्दै गठन भएको सरकारको छातीमा कुशासनको तक्मा थपिएको टिप्पणी गरेका छन्। 

आइतबार प्रतिनिधिसभाको शून्य समयमा बोल्दै उनले भने, ‘सुशासनको लागि भन्दै बनेको सरकारको छातीमा फेरि कुसासनको तक्मा थपिएको छ। सामान्य प्रसासन र भूमि सुधारमन्त्रीको बारेमा सर्वत्र मिडियामा आएको कुरा के हो?’

सुशासनको लागि भन्दै बनेको सरकारको छातीमा फेरि कुसासनको तक्मा थपिएको छ। सामान्य प्रसासन र भूमि सुधारमन्त्रीकोबारेमा सर्वत्र मिडियामा आएको कुरा के हो?

प्रधानमन्त्रीले संसद्‌मै आएर ‘म भ्रष्टाचार गर्दिनँ र गर्न पनि दिन्नँ’ भनेको भन्दै त्यसबारे संसद्मा आएर जवाफ दिनुपर्ने माग गरे। ‘मलाई राम्रोसंग स्मरण छ- यही  उभिएर सम्माननीय प्रधानमन्त्रीले भन्नु भएको कुरा ‘म भ्रष्टाचार गर्दिनँ र गर्न पनि दिन्नँ’। यो जुनीमा त के अर्को जुनीमा पनि चित्र गुप्ताको अगाडि उभिएर जवाफ दिन्छु,’ किराँतीले भने, ‘हामीलाई अर्को जुनी र चित्र गुप्ताको विश्वास छैन। त्यसैले सरकारको तर्फबाट यो सार्वभौमिक संसद्लाई सत्य तथ्य जवाफ चाहियो।’