शीतल निवास पुगेर सभामुखले गरे राष्ट्रपतिसँग भेटवार्ता

शुक्रबार बिहान सभामुख देवराज घिमिरेले राष्ट्रपति रामचन्द्र पौडेलसँग भेटवार्ता गरेका छन्। 

भेट राष्ट्रपति निवास (शीतल निवास) मा भएको हो।

भेटमा सभामुख घिमिरेले जेनेभामा जुलाई २९ देखि ३१ सम्म हुने सभामुखहरूको विश्व सम्मेलनमा नेपालको सहभागिताबारे राष्ट्रपति पौडेललाई जानकारी गराएको राष्ट्रपतिको सचिवालयले जनाएको छ।

सभामुख घिमिरे सभामुखहरूको विश्व सम्मेलनमा सहभागी हुन जुलाई २७ अर्थात् साउन ११ गते जेनेभा जाने कार्यक्रम छ।