रास्वपाको ‘बृहत् राजनीतिक संवाद’ सुरु

राष्ट्रिय स्वतन्त्र पार्टी (रास्वपा)ले पक्षधर राजनीतिक दल, शक्ति र समूहहरूबीच संवादको थालनी गरेको हो। 

शुक्रबार बालुवाटारस्थित नेपाल हाउसमा ‘जेनजी आन्दोलनका उपलब्धि, अगाडिको बाटो र निकास’ शीषर्कमा बृहत् राजनीतिक संवाद सुरु भएको हो। 

उपसभापति एवं उच्च संवाद समिति संयोजक डा. स्वर्णिम वाग्लेले पार्टी सचिवालयमा परिवर्तनका पक्षधर राजनीतिक दल, शक्ति र समूहहरूबीच संवाद गर्ने प्रस्ताव गरेका थिए।

सचिवालय बैठकले त्यसलाई अनुमोदन गर्दै संवाद थाल्ने निर्णय गरेको थियो।

संवाद कार्यक्रममा पूर्वप्रधानमन्त्री बाबुराम भट्टराई, नागरिक उन्मुक्ति पार्टी नेपालका नेता रेशम चौधरी लगायत उपस्थित छन्। 

अहिले नयाँ राजनीतिक अभ्यास र अबको आवश्यकताबारे भट्टराईले आफ्नो धारणा राखिरहेका छन्।