युनिकोड
कांग्रेसको आधिकारिकता विवादसम्बन्धी मुद्दाको सर्वोच्च अदालतमा विचाराधिन मुद्दाको पेसी आजका लागि तोकिएको छ।
यसअघि यही चैत १ गते सर्वाेच्चमा यो मुद्दाको पेसी चढे पनि पालो नआएर आजको लागि सरेको हो। आज १२ नम्बरमा पेसी छ।
गत पुस २७-३० मा भएको विशेष महाधिवेशनबाट गगन थापा कांग्रेसको सभापति चुनिएका थिए। थापा नेतृत्वकै कमिटीलाई निर्वाचन आयोगले पनि मान्यता दिएको थियो।
विशेष महाधिवेशनबाट आएको कार्यसमितिलाई मान्यता दिने निर्वाचन आयोगको निर्णयविरुद्ध तत्कालीन सभापति शेरबहादु देउवा र कार्यवाहक सभापति पूर्णबहादुर खड्काले सर्वोच्च अदालतमा रिट दायर गरेका हुन्।
तर अदालतबाट आधिकारिता विवादको मुद्दाको निरुपण नभएसम्म महाधिवेशन प्रक्रियामा सामेलन नहुने देउवा-कोइराला पक्षको रणनीति छ।
अदालतबाट हुने फैसलापछि मात्र महाधिवेशनमा सहभागिताबारे टुंगो लाग्ने पूर्व सहमहामन्त्रीसमेत रहेका नेता बद्री पाण्डेले बताएका छन्।
मुद्दाका दुवै पक्षलाई सर्वाेच्चले वहसका लागि बोलाएको छ।
प्रतिक्रिया