युनिकोड
संघीय संसद् सचिवालयले सांसदहरूलाई बैठकमा उपस्थितिको लागि सूचित गरेको छ।
संसद् सचिवालयका महासचिव पद्मप्रसाद पाण्डेले आज सूचना जारी गर्दै संघीय संसद्का सदस्यहरूलाई संंघीय संसद्को अधिवेशन आह्वान भएको जानकारी गराएका हुन्।
राष्ट्रपति रामचन्द्र पौडेलले संघीय संसद्का दुवै सदनको अधिवेशन यही वैशाख २८ गते सोमबारका आह्वान गरेका छन्।
मंगलबार राष्ट्रपति पौडेलले वैशाख २८ गते सोमबार दिउँसो २ बजे संघीय संसद् भवनमा बस्ने गरी दुवै सदनको अधिवेशन आह्वान गरेपछि साेही अनुसार संसद् सचिवालयले पनि सांसदहरूलाई बैठकमा उपस्थित हुनको लागि सूचित गरेको हो।
नेपालको संविधानको धारा ९३ को उपधारा १ बमोजिम राष्ट्रपतिले मंगलबार संसद् अधिवेशन आह्वान गरेका हुन्।
मंगलबार दिउँसो बसेको मन्त्रिपरिषद्को बैठकले संसद् अधिवेशन आह्वान गर्न राष्ट्रपतिलाई सिफारिस गरेको थियो। यहि अधिवेशनमा सरकारले आगामी आर्थिक वर्षको बजेट ल्याउनेछ।
प्रतिक्रिया