युनिकोड
प्रतिनिधिसभा बैठक सञ्चालनमा ढिलाइ भएको छ।
बुधबार बिहान ११ बजेका लागि तय भएको प्रतिनिधिसभाको आजको बैठक एक घण्टा बितिसक्दासमेत अझै सुरु हुन सकेको छैन।
यसअघिका बैठकमा विपक्षी दलका सांसदहरूले विरोध गर्दै आएका कारण सहमतिका लागि प्रयास जारी रहेकाले बैठक सञ्चालनमा विलम्ब भएको संसद् सचिवालयका प्रवक्ता एकराम गिरीले जानकारी दिए।
सभामुख डोलप्रसाद अर्याल र राष्ट्रिय स्वतन्त्र पार्टीका सभापति रवि लामिछानेले विपक्षी दलसँग संवाद गरेर अवरोध खुलाउन सहमतिको प्रयास गर्दै आएका छन्।
विपक्षी दलहरुले नेपाल–भारत सीमासम्बन्धी प्रधानमन्त्री वालेन्द्र शाहको अभिव्यक्तिमा प्रश्न उठाउँदै त्यसबारे उनले नै सदनमा आएर स्पष्ट पार्नुपर्ने र विवादित अभिव्यक्ति अभिलेखबाट हटाउनुपर्ने माग गर्दै आएका छन्।
प्रतिनिधिसभाको यही जेठ १७ गतेको बैठकमा सांसदको प्रश्नको जवाफका क्रममा प्रधानमन्त्री शाहले सम्बोधनका क्रममा प्रधानमन्त्री शाहले विवादास्पद अभिव्यक्ति दिएका थिए।
त्यसयता प्रतिनिधिसभा बैठक सहज ढंगले अघि बढ्न सकेको छैन।
प्रतिक्रिया